16/05/2021

《我們的故事時代》

#1 林建平 八百後
多謝建平哥哥送贈佢早期嘅著作畀我,我住天水圍,但我每朝早都要去砲台山返工,最近我每朝早搭車嘅時候都會睇呢本書,
好享受呢一個星期嘅搭車時光!

閱讀一本小說,對我嚟講,係「打開書,進入另外一個世界」嘅體驗,
但並唔係每一個作者都有令讀者投入另外一個世界嘅能力!
我想講嘅係建平哥哥係呢方面嘅能力好強,好撚強,個撚字好撚重要,睇到我眼都凸埋,佩服到五體投地!

一啲人,喺一個地方,做咗一啲嘢,就會形成故事,所以說穿了,故事,就係人,地,同埋事嘅配合!
而建平哥哥喺每一方面都表現出色!

事: 成個故事嘅縣念都鋪排得好好,基本上你一睇完頭幾頁就唔會想合埋本書,你會好關心賜平嘅身世,
你會好關心小簡情歸何處,你會好關心龍醫生嘅心事,你會好著緊刀疤星究竟有咩計謀,所有嘢環環相扣,緊張刺激,
令人目不暇給,呢度唔劇透太多,想知嘅睇啦,屌!

地:建平哥哥用佢嘅文字帶我遊走土瓜灣九龍城一帶,其實呢啲地方我好唔熟悉,因為我住天水圍,但佢嘅描寫好有畫面,
令我都忍唔住想搵一日抽空去呢一帶遊走下。特別鍾意主角小簡嘅生活圈,成個圈都好有人情味!

人:呢方面真係勁撚到痴線!主角小簡嘅直率,賜平嘅單純,林sir嘅柒味固然寫得出色!
令我最欣賞嘅係建平哥哥從來冇因為一個角色係一個小角色,而唔用心寫。屬於配角位置嘅茶餐廳老闆,髮型屋老闆,
甚至係一隻狗仔,建平哥哥都好用心寫,將佢哋塑造得好立體!呢D功力相信係我呢個黃毛小子浸十幾廿年都未必練得到!

香港嘅生活節奏急促,如果你可以抽空打開一本書,離開你身處嘅世界,去另外一個世界旅行,係一件好撚幸福嘅體驗!
而如果你想試下呢一種體驗,好推薦你睇建平哥哥嘅書,因為佢係少有地,真係可以帶到你去另外一個世界嘅好作家!!!
?????
P.S.:
1.歡迎廣大作家朋友同我交換作品,互寫書評,希望我哋可以一齊努力,創造屬於我哋嘅故事時代!
2.另外,想講嘅係,我呢個禮拜朝頭早就睇八百後,臨瞓前就睇別我哥哥嘅補習社女鬼,未開始追嘅,快啲上penana追爆佢!

Tagged on:

發佈留言

發佈留言必須填寫的電子郵件地址不會公開。 必填欄位標示為 *